ياوجه الكمر

بسوالف هالعمر كضينة اشكال
واجمل سالفة وياكم كضينة...
يامحلى القصص نقراها كل يوم
واحلى القصص بعيونك ...
يا وجه الكمر يتكامل بليل
وبنور الكمر كلنة ضوينة ...
يازينة سما ويانجم الافلاك
ياشهوة عمر بيك اشتهينة ...
ما اعرف شوصف وحاير البال
حيرني جمالة ونور عينة...
احلى من الورد تشوفك الناس
واشكال الورد منك خذينة ...
اصلاب الحجر من رقتة تذوب
ذاب الكلب بيك وما درينة ...
وبحسنه وجماله يخبل الناس
يابلوة حسن بيك ابتلينة...
ياسلوة ايامي وياسهر دنياي
وشمحلى العمر لو تمر بينه ...
وتدري انته الصبر يثكل بلياك
وما احمل صبر لو ما تجينة ...
مايسهل فراكك وية هالروح
فركتكم جبال تهد علينه...
كضيت الحياة بهالسوالف دوم
وماكو كل ثمر منه جنينه...
هذا انا سؤالي وجاوبني ارجوك
اذا ايدك تمس اليوم ادينه...
لالالا تكلي اليوم تعبان
عذرك هذا من عنده انتهينه...
خلص كل عذر ماضلت اعذار
وجذبك لا تضن منه بجينة ...
نسينة اشكال من هالدنيا والوان
بس مثلك شكل ماضن نسينه